Plantun de Prouvènço

Pèr coumpara dos planto d'encò nostre

Centaurium maritimum & Crithmum maritimum

Centaurium maritimum

Gentianaceae

Nom en français : Petite-centaurée maritime.

Descripcioun :
Aquesto centaurèio èi la souleto di flour jauno au nostre. Es uno pichoto planto de l'an emé de fueio pulèu óuvalo e óupousado. Trachis dins li pelouso umido e séusouso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 20 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Centaurium
Famiho : Gentianaceae

Ordre : Gentianales

Coulour de la flour : Jauno
Petalo : 5
Ø (o loungour) flour : 6 à 10 mm
Flourido : Printèms

Sòu : Si
Autour basso e auto : 0 à 800 m
Aparado : Noun
Remarco : Planto de coustiero
Mai à jun

Liò : Pelouso umido
Estànci : Termoumediterran à Mesoumediterran
Couroulougi : Mediterrano-atlantico
Ref. sc. : Centaurium maritimum (L.) Fritsch, 1907

Fenoui-de-mar

Crithmum maritimum

Apiaceae Umbelliferae

Àutri noum : Sausseiroun, Bacilo.

Noms en français : Criste-marine, Fenouil marin.

Descripcioun :
Lou fenoui-de-mar es uno planto poupouso coumuno que trachis sus li roucas o dins la sablo en ribo de mar. Se recounèis eisa à si fueio penado.

Usanço :
Es uno planto manjadisso que gagnarié à èstre couneigudo ; lou goust ramento aquéu de la pastenargo, mai pu cousènt. Ero manjado au nostre, crus o cuecho coume de liume. Peréu es uno bono planto, vertuouso contro lou mau-de-terro (richo en vitamino C), depurativo, estimulanto, ajudo à pissa e à digeri. Bono pèr la pèu, n'en bouton dins de crèmo e proun de poutingo à l'ouro d'aro.